目利きの銀次Royal Grill (已結業)

第二次食依间日本野，个lunch set 系好抵食，最平个餐$55, 包主食，沙律，前菜，面豉汤，加多杯餐饮。叫左个滑蛋鸡肉饭，卖相麻麻，原本期望同张相差唔多，点知差劲多🙄。滑蛋得好少同唔太滑，旧鸡肉份量都多，有大约5至6旧左右，调味几好，唔太咸，而且几滑。左上系沙律，左中系面豉汤，左下系薯仔沙律，右系滑蛋鸡肉饭。薯仔沙律特别推介，将薯仔磨容，但仍保留少少粒粒。仲叫左个帆立贝寿司$20好快上到，仲系冻既，应该系雪柜即叫即拎。唔系讲笑，真系好厚，入面预先放左wasabi,点豉油食得。成旧放入口好正，有少少似食鹅肝，但系有鲜味同唔肥腻既鹅肝。餐饮叫左热奶茶，好滑，原本谂住会难饮，出其地好饮，不过建议唔洗落太多糖，落3/4都ok, 我落成包糖就太甜。服务态度都唔算差，但叫左人落单，会叫你等等先，过左5分钟左右先落，同餐饮催左劲耐先黎，黎到系暖既。