小台南 (已結業)

今日黎左呢度附近做野，咁就突然好想食下台湾野，咁就search到呢间小台南好似都唔错，就决定黎呢度食lunch啦。今日叫左佢既午市优惠套装，叫左个古早味牛肉汤面，另外野饮配左冻既柠檬薏米水。古早味牛肉汤面份量都大大碗，汤底都几好味，唔咸，食完都唔会要系咁饮水，牛肉都有好几旧，肉质都煮得淋，好好食。面条系用左阔身既刀削面，呢只面我都好钟意食，都算好挂汤。另外杯冻既柠檬薏米水唔记得左影相叫左少甜少冰都够味。清新之选。