La Resaca (已結業)

.Friday lunch同朋友过黎呢间新餐厅试下，lunch menu都有好几样选择，包汤、沙律、main、饮品，价钱唔过$200，算几抵食~-前菜-杂菜汤 - 味道正常，唔会过咸，小法包几好食沙律 - 有吞拿鱼粒，沙律菜都新鲜，味道正常-主菜-香煎虎虾西班牙饭 ($158)以镬盘盛载，即叫即整，上枱时热焫焫😍虎虾开边，食落够爽口，饭粒夹杂西班牙肉肠粒、杂菜，炒得粒粒分明，味道都几好几香的。盐烧顶级翼板肉牛扒 ($178)翼板肉本身有细筋路同多油花，但食落唔会觉得难咬，口感较Q，煎得刚好，肉质都嫩同juicy。配菜系薯蓉，打得几滑，如果加上牛油就更好食了！我地仲叫左份churros一齐食，配上朱古力同奶油酱，好邪恶但真系好想食🤤churros都系即叫即炸，炸得较软熟，甜度刚好，都唔错既。饮品我叫左热柠茶，朋友叫左咖啡，有小小既拉花，都ok既。呢到环境都几chill，播住轻快音乐。店员服务都几好，整体感觉都觉得唔错的。