鮨三川 (已結業)

用餐时间：普通星期二1400-1600呢度有几个lunch sets拣，不过最受欢迎就一定系十二贯寿司。餐厅装修都好有日式格调。首先有沙律+茶碗蒸。沙律(评分:5/5) : 柚子醋份量啱啱好，而且蔬菜新鲜，所以系比较高质既沙律。茶碗蒸 (4/5) : 茶碗蒸入面配左啲黑松露系几好食，不过食食下食左粒苦苦地既莲子，我就唔系好钟意，所以扣左少少分。由于今次系我第一次食omakase，所以唔系好熟啲高级既日式食材。今次就只系讲下啲印象深刻啲既寿司。呢粒帆立贝拍打完之后会收缩，证明佢好新鲜。最后入口𠮶阵都真系好食既。牡丹虾本身已经好鲜甜，配埋烧过既虾膏之后，超级好食。入口即溶，好似食紧和牛。三文鱼籽好新鲜，而且份量超多，放落口之后成口鱼油味。海胆好新鲜，一啲苦味怪味都无，而且份量都唔错。汤底普通，不过乌冬口感唔错。食完咁多好野之后用一个我钟意食既甜品做结尾。最后埋单连加一系$876，两个人平均每人$438。系人都知omakase系贵㗎啦，所以呢餐唔洗$500都食到咁多好野真系唔错。今餐无一样野系伏既，全部刺身鱼都好新鲜，一啲腥味都无。总括黎讲，以一餐omakase黎讲，呢间既性价比系几好。