LAYER’S Cafe & Pancakes

营业中

休息中

佢放咗学之后，我哋去九龙城食lunch。无意中发现到好多小店Cafe，今日试咗呢一间叫Layer’s，佢系响福佬村道， Tiffany Blue嘅门面颜色就吸引我哋入去。睇个餐牌，原来价钱相当吸引，佢一个价钱已经包咗一碟份量颇大嘅main course，再包一杯热嘅饮品，仲有两件迷你pancake!! 心谂咁抵好唔好食啊？我哋点样头𠮶两碟价钱比较平嘅，带水准相当唔错，炒出嚟嘅意粉好爽身！烟熏肠意大利面配蕃茄忌廉汁蕃茄汁香浓，仲有铺满碎芝士，用料唔孤寒。香煎烟鸭胸白酒汁意大利面炒得真系好爽身但唔太油腻，四块鸭胸食完真系好饱！想讲啲嘢饮真系好大杯，我叫咗一杯Rose啦Tse，好香嘅玫瑰花，咖啡味够浓！个女就叫咗一杯香浓朱古力，上面打满咗泡沫好正！佢餐附送嘅两件pancake，份量其实真系唔小，蛋香味够，质地唔算太fluffy但都松软。只系冇咗其他配料，但系配埋个cream一齐食都好好味。