Pancake House HoiHoi (荃新天地) (已結業)

几年前食过九龙湾间Hoi Hoi，觉得佢啲pancake几好食，但近排见执左，然后发现仲有荃湾店，有主食提供，仲有二人晚餐，有齐主食同pancake，可以一次过系同一间食野，倾计倾耐啲，吾洗转地方！二人餐 $298（另需加一）铁板名古屋茄汁海虾意粉貌相同味道都好有日本西式意粉style，4只虾，有几片香肠、芝士碎配茄汁意粉，底下有块薄薄既蛋垫住。安格斯牛扒套餐价钱比较平民，所以牛扒质素相对都系茶记级数，不过胜在大大块，另外有好多薯条，薯条几好食。呢个餐会包2款甜品，可以系主甜品牌拣，有一般薄身pancake，亦有梳乎厘pancake，几多味道选择。焦糖布丁梳乎厘pancake以吉士酱盖满梳乎厘pancake，表面加少少烧焦过既焦糖，味道吾会好甜，几岩我口味。梳乎厘几重蛋味，而且放左一阵都无咩扁塌。香蕉朱古力梳乎厘pancake呢款用奶油cream加朱古力酱，pancake都系原味，旁边围住左啲香蕉。跟餐会跟2杯饮品，香桃冰茶&焙茶Latte，焙茶latte既拉花又几靓。