ZERO (已結業)

自从话要努力减肥之后都冇再食个pizza🍕，呢一日因为得我同妈妈自己食饭，所以我就同佢出街揾食，去朗豪坊记得楼上有一间开咗差唔多有一年嘅新餐厅，一直都话想试，所以今次就嚟咗。睇个menu就知道佢最出名嘅就系diy pizza，除咗咸嘅pizza，仲有特色嘅甜品pizza。如果唔想谂点样diy，当然佢都会有一啲拼好咗嘅选择。我哋拣咗个黑蒜鲍鱼pizza最欣赏佢个pizza底，有少少口感之余唔会太厚，两个人食一个pizza都唔会系劲饱，配搭好有趣，加埋两只半流心鸡蛋，为口感味道加入咗不一样嘅感觉👍两个人食完个pizza其实唔可以再食太多嘢，于是我哋点多一个🥗沙律沙律用石头锅上，感觉有趣。成碗沙律都系好冰冷，拌上自调嘅酱汁，更加惹味。而家嘅时势每一间餐厅都面对生意唔好，但系呢一日系平日嘅夜晚，人流不绝，相信佢其他食物都应该好出色，例如好似一个用摩天轮层架放住嘅炸物拼盘，但系就未必两个人食得晒，所以决定下次一定会再嚟😎