School Food (已結業)

Blue Monday嘅lunch想食好啲，喺沙田返工所以就去新城市觅食喇。今日同事就带咗我去School Food食。Set Lunch比晚餐时段抵食好多，一个价钱包小食、主菜、饮品同甜品，价钱由$68起(另收加一)。我哋三位分别拣咗1)绿野蒜烤猪肉八爪鱼饭 $82(2)韩丝热捧铁锅饭 $88(3)牛牛铁锅饭 $82今日嘅特饮喺柚子茶，甜品系抹茶红豆布甸。小食未到，主菜先到😑。(最后成个主菜食完，再催一催小食先送到)先讲我嘅绿野蒜烤猪肉八爪鱼饭 ，一见到碗"饭"，我个反应系呆咗，虽然只碗系好大，但表面完全俾沙律菜同猪肉覆盖哂，一啲饭同八爪鱼都见唔到(有一刻以为系咪嚟错咗😂)。原来八爪鱼同啲饭已经捞埋一齐，喺底下嘅系有味八爪鱼饭。烤猪肉好入味，而且唔会太嚡，几好。拣主菜时明明见到有两只辣椒仔，点解食咗大半个饭一啲辣味都无？食到最底先发觉自己未捞好个饭，不过好彩唔算太辣。（依个饭嘅份量都几大）至于另外两位同事嘅主菜，同事话依个韩丝热捧铁锅饭几辣，要不断饮水。至于牛牛铁锅饭(无影相)，啲流心蛋遮住啲牛肉，睇起上嚟好似无咩食。特饮要咗冻柚子蜜，超甜，我觉得甜嘅程度系不杯可以冲两杯，最后要自