楓雅廊咖啡閣 (已結業)

今日同朋友去咗美丽华大堂咖啡厅食Tea Buffet，好抵食，$80一位，连加一都只系$88。不过个名好似叫The artrium(唔知有无串错呢﹗)，但个订座电话又系呢个㖞，所以我将个食评POST喺呢度啦﹗我地原本以为$80都唔会好多嘢食啦，点知热荤都有成七八款(有点心，仲有粥…)、冷盘连三文治都有十几款(最正系有燕窝海鲜鲜果沙律)，甜品又有十几款(大多以朱古力做主题，仲有几款曲奇饼…)，仲有TCBY雪糕，朱古力梳乎里(但要排队，因制作需时…)同班戟…啲嘢食好好味，又不断refill，而且refill嘅款式又同之前唔同，所以前前后后有成几十款嘢食，真系唔错呀﹗