山景閣

营业中

休息中

今日去咗尖沙咀食Tea buffet ，喺天文台道仕德福山景酒店，楼梯一上去就系餐厅嘅门口，3:00先可以入坐，好多人聚集左系大堂等，百几蚊都算好多嘢食质素都OK。因为太饿嘅关系，一嚟我就食热盘，有鸡翼、炒萝卜糕、水饺、三文鱼、炒面、烧卖，每样我都试咗啲，萝卜糕个面脆卜卜、炒面唔会太腍身味道都几好。另外仲有得食汤面同埋粥，粥系皮蛋瘦肉粥可以加花生同埋油炸鬼，粥热辣辣，少少杰身都唔错，不过油炸鬼就太淋唔够脆。汤面系另外一边，日式拉面，𩠌有豚肉、日式鱼蛋同狮子狗，个面煮得几好，汤清得来够味，最好就系即叫即煮。冷盘有沙律、寿司、冻虾，个虾好爽我都食咗几只。甜品有自制pancake，可以自己落唔同嘅酱汁、生果；另外有果挞、蛋糕、生果同埋朱古力喷泉，哈密瓜沾上朱古力真系可以变成脆脆朱古力，好成功，朱古力酱都好好味。仲有三款杯装雪糕同雪糕糯米糍。饮品有即磨咖啡、柠檬茶、奶茶、任君选择。我饮咗一杯泡沫咖啡，个咖啡都好香，同埋饮咗杯柠茶，茶味好浓。