WM Café & Bar (八號花園)

营业中

休息中

今日下画四点几嚟咗呢间Cafe，好多tea set 选择，同屋企人点左好几个tea set同lunch set,全部都好抵食。抵食都唔系重点，性价比高先系重点。首先，虽然话系tea set但系份量一啲都唔细，肉酱意粉配芝士多士啱啱焗起，肉酱意粉面质爽滑,因为本人好怕食太淋嘅面,所以觉得好好食，肉酱酸甜适中。另外lunch set有餐汤，主菜同埋饮品。餐汤我哋试咗忌廉龙虾汤，龙虾味超浓郁，我自己好钟意。烧纽西兰肉眼扒配烧汁饭个扒冇梳打粉味，保留牛原身味道而肉质偏淋，啲饭加上烧汁令人好开胃！烟三文鱼千岛薄饼系薄批嚟嘅，个皮焗得好脆，上面铺满蟹籽粒同埋三文鱼，足料之余味道都非常好。另外我哋都点左个甜品，加拿大枫糖窝夫配果酱雪糕，窝夫好重蛋香味，又唔会太甜，配上雪糕简直一绝，啲蓝梅果酱份量多到食唔晒！总括而言呢一餐食得好饱好满足，性价比极高。