影片
更多
2010-05-17
133 浏览
二胡后的晚饭，我发觉差不多次次都系打甂炉，今晚都唔例外，一行四人去到太子百利开餐﹗之前来过两次，味道还算不错，作为麻甩佬最紧要就系book定楼上，可以自由活动，如果坐地下就无呢支歌仔唱﹗老友到先，先order一碟鲜鱼皮食下，唔食鱼的我破例一试，鱼皮带麻油香，入口爽脆，出奇地原来佢系唔腥的，几特别﹗汤底要了这儿最出名的蝴蝶腩汤底，汤头尚算鲜浓，蝶腩也不少，件件都半肥瘦连筋，胶质够亦有嚼头，肉质绵而软，我就嫌肥左0的，不过爱吃筋的友人们都大快朵颐，未正式开始打甂炉已经差唔多食哂个汤底﹗手切牛睇个色水是不错，入口尚算软熟，但牛味及脂香均不足，亦带一阵令人难以下咽的牛膻味，同行的友人都觉得味道麻麻，睇番自己的食评，其实之前都有弹过佢地0的手切牛，但系唔知点解次次去到都系唔理三七廿一照叫可也，真系自己攞o黎衰﹗鲜粉肠同鸭肠两样我都唔岩，但友人们超欣赏，吃完一箸又一箸有如吃乌冬，肠壁是满满的肥膏，灼熟后又爽又香，不太韧但有嚼劲，几口就俾佢地食哂﹗手打四宝丸，看得出是鲜打的，四只中以墨丸味道最浓，其余的则平平无奇，牛肉口感似生竹牛肉大家也觉得麻麻地，还是一片片的好吃﹗蚝$20碟有五六只，未算大只，但
之前来过两次，味道还算不错，作为麻甩佬最紧要就系book定楼上，可以自由活动，如果坐地下就无呢支歌仔唱﹗
老友到先，先order一碟鲜鱼皮食下，唔食鱼的我破例一试，鱼皮带麻油香，入口爽脆，出奇地原来佢系唔腥的，几特别﹗
汤底要了这儿最出名的蝴蝶腩汤底，汤头尚算鲜浓，蝶腩也不少，件件都半肥瘦连筋，胶质够亦有嚼头，肉质绵而软，我就嫌肥左0的，不过爱吃筋的友人们都大快朵颐，未正式开始打甂炉已经差唔多食哂个汤底﹗
手切牛睇个色水是不错，入口尚算软熟，但牛味及脂香均不足，亦带一阵令人难以下咽的牛膻味，同行的友人都觉得味道麻麻，睇番自己的食评，其实之前都有弹过佢地0的手切牛，但系唔知点解次次去到都系唔理三七廿一照叫可也，真系自己攞o黎衰﹗
鲜粉肠同鸭肠两样我都唔岩，但友人们超欣赏，吃完一箸又一箸有如吃乌冬，肠壁是满满的肥膏，灼熟后又爽又香，不太韧但有嚼劲，几口就俾佢地食哂﹗
手打四宝丸，看得出是鲜打的，四只中以墨丸味道最浓，其余的则平平无奇，牛肉口感似生竹牛肉大家也觉得麻麻地，还是一片片的好吃﹗
蚝$20碟有五六只，未算大只，但蚝味浓郁，咬落蚝汁丰腴，香口好食﹗
鱼腐$20碟口感有如大鱼旦，带豆香。
手切牛吃过麻麻，四个牛魔当然唔会咁就算，要了美国西冷牛肉，色水呈殷红，肥瘦匀称，纹理亦恰当，不肥不瘦，入口软糯中见油脂香，肉质细绵，片片双飞，牛味香浓。
一句到尾，好吃，以后来百利记住要点呢只牛﹗
大食之友食完咁多野仲未饱，再叫多个牛粒同埋鸡子，牛粒牛味香浓，不过灼得耐就过韧，唔灼耐一点又怕佢唔熟，两难式﹗
鸡子我睇见个样都唔开胃，不过佢地三个就一粒一粒咁放入口，佢地话爆汁劲正，一粒起一粒清，真系当正系四宝丸咁食﹗我就真系唔识欣赏，不以置评﹗
呢晚饮既系Asahi，$14支，入座如在两小时内结帐就一人送一支，埋单岩岩好两粒钟，悭番几十蚊啤酒钱﹗
一人唔洗两旧水，食咁多野又饮十几廿支啤酒都算异常抵食﹗讲真食物不算贵，不少简单𩠌料都系$20，牛就大碟$100，多人吃必抵吃，系佢地个手切牛总是次次食也不太岩脾胃，其他食物质素也不错，三五知已要大大声畅所欲言，来这儿准不错了﹗
张贴
