宏 (已搬遷) 新店位置

尖沙咀向来食嘢都唔平，尤其是系大商场里面，点知今日比我发现咗一间价钱相当合理嘅日本餐厅！于是毫不犹豫入咗去啦！睇吓餐牌，发觉除咗主食，仲有好多蛋糕甜品，感觉到好吸引，而且价钱唔算好贵，最后我哋两个人分别叫咗个日本白烧鳗鱼定食，迷你三彩定食，然后佢个餐仲附送抹茶蛋卷又或者香草蛋卷，正呀！饮品方面叫左杯宇治抹茶沙冰同焙茶奶！除此之外，因为抵抗唔到甜品嘅诱惑，我哋仲叫咗个抹茶软雪糕芭菲同香蕉焦糖窝夫！先讲下啲主食先，个日本白烧鳗鱼定食会配上唔同嘅酱汁，你哋感受唔同味道既鳗鱼食法，一种系盐俾你食到最鲜甜的口味，另一种系酱油就好似食紧刺身咁！仲有一款系烧汁，有蒲烧鳗鱼嘅味道，任君选择！另外个迷你三彩定食份量都唔少，有齐荞麦面，鳗鱼饭同埋刺身饭，真心好满足！配上既抹茶蛋卷同香草蛋卷都唔简单，真心推介抹茶𠮶个，因为抹茶味好浓，钟意抹茶嘅人一定会真心爱上佢，另一个香草亦都不错！至于饮品方面，宇治抹茶沙冰不太甜，唯一唔好嘅就系好快会饮晒抹茶，最后得返好大旧冰，哈哈！至于我个抹茶奶，超级好饮，如果大杯啲就好啦！其实食完呢啲嘢已经好饱，不过都仲系叫咗两个甜品，正所谓甜品系另一个胃，佢哋嘅甜品份量比我想像中大