GUM "JENG!" X 御前上茶 (已結業)

同朋友lunch食完沾面，行左阵行街，消化左阵，又走左去食甜品！呢间御前上茶，我谂系抹茶控必食既地方！虽然位置唔太方便，但钟意抹茶既朋友一定会专登去食！我地叫左个雪糕蜜瓜包（豆腐味）同抹茶松饼！本来雪糕夹心蜜瓜包，入面既雪糕拣左抹茶味，但店员好细心介绍，如果抹茶味会撞左，焙茶味会抢左蜜瓜包既味，话豆腐味系最搭！果然，超好味！外面蜜瓜包有少少松脆热热地，就咁个包面好好味，甜甜地好香，然后加埋豆腐味清清地既雪糕，唔会甜到溜！外热内冻！正！必定要点！抹茶松饼，唔洗搽雪糕都有好浓既抹茶味！搽埋雪糕仲好味！抹茶雪糕好香既抹茶味，唔会好淡！松饼都好松软～呢餐真系好满足！