茶匠 清水一芳園 (已結業)

之前行开沙田见到有一芳园，估唔到连屯门都开左分店。本身我系一个抹茶控，见到抹茶嘅野当然一定要试啦！可惜太夜去已经冇晒抹茶卷蛋，唯有食住个抹茶芝士蛋糕($30)先，蛋糕上面有一层抹茶粉，之后系一层芝士，最底果层先至系抹茶芝士，有多种层次，抹茶味真系好浓，食落都好滑，因为坊间有啲讲系抹茶，但食落唔会系个回事，但一芳园都算系其中一间可以做到好好。食唔到抹茶卷蛋，唯有试埋另一款北海道牛奶卷($30)，中间一大pat cream, 望见都觉得饱，但食完第一啖停唔到，个cream坚系好香滑，好有牛奶味，完全唔觉得腻，好快就KO晒成旧，搞到好有罪恶感下次一定要食埋个抹茶卷，店员话个蕨饼系代表作，可惜太饱，留返下次跟抹茶卷一齐先再试价钱方面$30一件蛋糕就稍为贵左少少。