茶之環 (已結業)

揾新抹茶甜品，已经变成呢期嘅习惯，不过好多都系抹茶雪榚，好多都外卖唔到返去同肥髀共享，今次呢间甜品店在日本超市内，旁边都系甜点店，竞争好大，行高级甜食路线，柜台简洁，抹茶甜品深绿色，唔够西式西饼色彩缤纷吸引，不过我自己喜欢试新嘢，埋去柜台睇，抹茶甜点款式好多，当我犹豫不决时，店员阿姐出声帮手，仲好识做生意，第一时间比两粒蕨饼我试，我拣好一款，佢话两款套餐价就平啲！拣好两款再讲可以优惠价买多件福饼，而唔会觉得hard sell!之后攞住收费单去超市收银处比钱！呢样唔太方便，又要走一轮，而且可能会同买日用品嘅客人排队！时间用多好多！幸好今日唔多人，排几个到我！比完钱就攞单返柜台攞饼，阿姐已经包好，手挽透明盒精致，每款饼都有独立盖好，唔怕倾泻！而且仲有冷冻剂！可以保持温度一段时间！冷冻剂仲用墨绿纸咭包好！好细抹茶蕨饼杯（$60）套餐价$55，胶杯黑色有花纹，日本味重，蕨饼都几多，烟韧微甘，黄豆粉多，味道甜甜的！中和了蕨饼嘅甘味！抹茶啫喱杯（$60）套餐$55，卖相几靓，不过唔喜欢红豆蓉有啲发白，好像浸咗好耐咁！上面用透明啫喱覆盖，啫喱唔太甜，抹茶啫喱太滑，留唔到在口腔，未感受到抹茶味已经吞！