中村藤吉香港店 (已結業)

係尖沙咀附近食完晚飯想食下甜品，行過美麗華見到中村藤吉，之前都有聽過好似幾出口，加上都鐘意抹茶既甜品，一於試下。店內除左有雪糕同飲品，仲有d茶類同蛋糕、月餅、朱古力之糕禮品可以買。但今次只係想試下雪糕。宇治金抹茶+焙茶軟雪糕杯$53--叫左款mix既雪糕杯，可以試埋焙茶味。抹茶味幾重，有茶香，幾濃味。焙茶有驚喜，雪糕見到有焙茶粉，幾香，仲有d炒茶既味道，都幾鐘意！配料有丸子同紅豆，丸子正常，但紅豆偏甜。而杯裝會有脆米係底，幾好食，有口感，但都幾多，食完都幾飽！