京都抹茶庵 (已結業)

系尖沙咀食完晚餐，想揾甜品食，但尖沙咀既糖水真系无乜选择，所以就拣左依间知道好耐，但一直未食过既日式甜点~虽然有限时，但假日人都唔多，店员无催大家离开，可以慢慢坐下。今次一共叫左3样甜品：黄豆蕨饼、抹茶雪糕冰 同 焙茶芭菲 🍵黄豆蕨饼黄豆粉好多，完全包住哂d蕨饼，好香；蕨饼亦都好新鲜，好烟韧，又唔会好甜，可惜无包装好既买返屋企！🍧抹茶雪糕冰 抹茶雪糕又系好浓既抹茶味，货真价实！雪糕好滑好香，配上甜度适中既红豆蓉、烟韧既白玉同抹茶蒟蒻，可惜冰底只系普通冰唔系牛奶冰，如果系牛奶冰就更加分啦。🍨焙茶芭菲劲多料好丰富，食好耐先食到底层。有好浓茶味既焙茶雪糕+有烟韧既白玉+有甜度适中既红豆蓉 > 有焙茶味既蛋糕(无咩特别) >中间有层白色既脆脆 > 最底有滑滑既焙茶布甸。整体味道不错，不过性价比就低d。