影片
更多
2020-08-03
1173 浏览
每次有朋友问边间抹茶甜品好食，我都会答Chef Tiff’s Kitchen，而得到嘅回应通常都系好贵㖞，无错，但我会话物有所值。自从上年食完佢嘅旨味浓茶卷后，坊间𠮶啲成条用青岚整嘅卷蛋已经满足唔到我，屋企人都食得出质素差好远。而我最欣赏佢嘅地方就系5年来一直推陈出新，每次嘅出品都好有惊喜。. May Tasting Set:.一囗浓抹朱朱双重酥：如果你以为佢只系抹茶版本嘅朱古力酥，咁你实在太睇小chef tiff，双重酥系指酥皮x奶酥，呢个肥仔组合无可能唔好食。用35% Valrhona制成嘅浓抹朱古力成功喺两者之间取得平衡，有抹茶味之余保留到朱古力嘅醇香，令我更想试返之前错过左嘅抹茶牛角酥。浓抹流沙挞 ：呢个系港式蛋挞嘅变奏，面头嘅抹茶蛋浆好似茶碗蒸咁滑溜，同底下嘅流沙形式质感上嘅对比，相比之下Pain au Matcha'colat较甜，流沙挞则微苦带回甘，而咸蛋系呢度系陪衬。挞皮系sourdough base，食得出一层层，但唔知系咪我焗嘅时间唔啱，面头酥脆但挞底有啲硬。一口台湾高山炭焙乌龙英式松饼配黑糖忌廉：松饼质感松软，唔会干争争，翻热期间已经闻到好香牛油同乌龙茶味，黑糖忌
.
May Tasting Set:
37 浏览
0 赞好
0 留言
一囗浓抹朱朱双重酥：
如果你以为佢只系抹茶版本嘅朱古力酥，咁你实在太睇小chef tiff，双重酥系指酥皮x奶酥，呢个肥仔组合无可能唔好食。用35% Valrhona制成嘅浓抹朱古力成功喺两者之间取得平衡，有抹茶味之余保留到朱古力嘅醇香，令我更想试返之前错过左嘅抹茶牛角酥。
11 浏览
0 赞好
0 留言
浓抹流沙挞 ：
呢个系港式蛋挞嘅变奏，面头嘅抹茶蛋浆好似茶碗蒸咁滑溜，同底下嘅流沙形式质感上嘅对比，相比之下Pain au Matcha'colat较甜，流沙挞则微苦带回甘，而咸蛋系呢度系陪衬。挞皮系sourdough base，食得出一层层，但唔知系咪我焗嘅时间唔啱，面头酥脆但挞底有啲硬。
11 浏览
0 赞好
0 留言
一口台湾高山炭焙乌龙英式松饼配黑糖忌廉：
松饼质感松软，唔会干争争，翻热期间已经闻到好香牛油同乌龙茶味，黑糖忌廉更系锦上添花，唯一要挑剔嘅系太细粒，食完唔够喉！
.
电特音抹布卷：
抹茶班戟皮唔会过厚，每层之间有抹茶忌廉增加湿润度，加埋抹茶奶冻 、流心 ，同面头满满嘅抹茶粉，一次过食到唔同形态嘅抹茶。做千层蛋糕已经唔容易，仲要加入其他元素，试验系咪配搭得宜，可想而知摆左几多心机落去。由于交收𠮶阵系frozen嘅，记得跟指示解冻，喺奶冻仲系雪糕质地嘅时候我心急偷食左少少，室温解冻后发现个茶味会出好多，要食到浓稠甘香嘅流心，记得畀啲耐性等下。
电特音抹布卷
22 浏览
0 赞好
0 留言
电特音抹布卷
13 浏览
0 赞好
0 留言
电特音抹布卷
11 浏览
0 赞好
0 留言
呢件我前后食左三次，系所有chef tiff出品中我最钟意嘅。我会觉得抹布卷喺口感方面好有层次，浓茶卷就更满足到我嘅味蕾。用mascarpone 打成嘅抹茶忌廉creamy又浓郁，好似吉士咁杰身但又唔系好腻。海绵蛋糕第一次食嘅时候有啲干，第二次已经改良左，今次够哂湿润松软。另外蛋糕同忌廉比例1:2，绝对唔会发生最尾斋食蛋糕嘅情况(虽然蛋糕都好食)。而顶层嘅抹茶白朱古力Mont Blanc就帮成条卷蛋加返啲甜度，唔会食到最后味觉麻痺，好似层层都一样味咁，就系佢嘅可贵之处。
电音旨味浓茶卷
24 浏览
0 赞好
0 留言
浓郁嘅抹茶加上黄豆粉奶酥，配埋望落抹茶包体，食得出落重料，个人较钟意呢款。另一款则用上新鲜芋泥，芋泥无添加所以甜度比较低，麻糬够烟韧，抹茶嘅苦味慢慢渗透出黎。由于佢系行爆馅路线所以讲明包体偏面包质感，不过我食惯台湾有嚼劲嘅贝果所以呢款就唔太啱我口味。
9 浏览
0 赞好
0 留言
张贴
