菓匠茶屋 (已結業)

今日去海港城买圣诞礼物比阿妈，一直无拣到想嘅，行到商场三楼，有D口渴同埋肚饿喇，咁就淋住买杯嘢饮，但见到菓匠茶屋有几多人排队买，有睇杂志介绍过话呢度嘅雪糕唔错，排左大概十分钟左右就到了，呢间环境都算OK，坐得几舒服。我见前面好多人点抹茶味雪糕，应该味道唔错吧，我都跟风点左个，外表睇落好吸引，一啖落去，抹茶味好浓郁啊，系我食过最好食嘅雪糕之一喇，雪糕好滑，抹茶味又醇厚，又唔会太甜，脆筒都做得好唔错，香香脆脆，好好味啊。彩虹雪糕，圣诞特别推出嘅新品，我无点，但颜值好高，中意嘅朋友仔可以试下。泡芙有几种口味，我拣左士多啤梨，分量都算大，草莓忌廉搭配得好好，有完整嘅两粒士多啤梨，不过食完一个觉得有D腻，两个人一齐SHARE就刚刚好喇。