京林屋 (已搬遷) 新店位置

京林屋系一间出名食抹茶甜品嘅店，今日就同个朋友嚟试一试😁我地嗌咗三个甜品share, 分别系抹茶芝士蛋糕set, 特制林屋抹茶馅蜜同抹茶半月布丁。抹茶芝士蛋糕set跟一杯茶，朋友拣咗桃味焙茶。芝士蛋糕唔系好大件，旁边配有抹茶雪糕，红豆蓉同白玉。芝士蛋糕食落几滑，但略嫌抹茶味唔够突出，食落只有淡淡抹茶味。相反抹茶雪糕几出色，有浓郁嘅抹茶味，正！白玉口感烟un，红豆蓉好腍身，甜甜地几好味😄跟餐杯桃味焙茶几特别，因为有个小漏斗俾客人计算第二及第三次泡茶嘅时间，每次时间为30秒。杯茶闻起嚟好香桃味，但饮落又冇乜桃味，只饮到焙茶味😂😂😂特制林屋抹茶馅蜜由蕨饼，啫喱，红豆蓉，抹茶雪糕同白玉组成，另外配有一小樽黑糖浆俾客人自己增添甜度。蕨饼面撒上少许抹茶粉，加上了黑糖浆，口感烟un，甜甜地又食到浓浓嘅抹茶味，唔错！但啫喱就麻麻，冇乜味，配埋红豆蓉一齐食会好d😝整体嚟讲都唔错嘅。抹茶半月布丁好迷你，不过味道相当唔错，口感软滑，抹茶同奶味洽到好处👍如果份量可以多少少就perfect喇😆