宏 (已搬遷) 新店位置

端午节假期出左尖沙咀想揾个地方坐得舒服同朋友食个饭黎到Openrice劲多好评的人气日本餐厅6点都冇乜人 大把位 环境都几静几舒服 以为系自助式但原来都系有人serve既当然必叫最人气抺茶蛋卷啦！一食就知冇介绍错，好香浓抺茶味无论蛋糕定cream都咁浓，蛋糕好moist好松软，cream一啲都唔漏好smooth，虽然价钱偏贵但真系好好食，绝对满足我呢个抺茶控！呢度除左甜点，亦有主食既，海藻意粉系冻食，其实完全唔似意粉，系好日式个种面不过系几烟韧，酱油汁同普通冷面汁一模一样，个面口感系几好但冇𩠌有啲寡，整体一般。又系抺茶！呢个都冇令我失望，好新鲜好松脆而且个窝夫本身都系抺茶味，好正，雪糕一般但配窝夫真系一流，炼奶就有啲多余可以唔要，份量啱啱好够哂2个食。呢度的甜品非常好，主食就一般可以选择食完晚饭先黎食甜品，想揾个地方坐得耐倾下计都系唔错的选择。