集眾菜館

营业中

休息中

朋友介绍呢间小菜馆，仲话记住食佢个避风塘濑尿虾，今日终于去咗试咗，真系正，因为系D濑尿虾已经拆晒肉，食落去啖啖肉，好High。佢D干蒜都真系爆得几香，好有避风塘𠮶种风味。佢呢度个鸡煲翅真系抵食，好似系$108一盅，一人份量，都几多翅，好足料，鸡汤香浓。佢呢度有只德国麦啤都几好饮，易入口，唔会苦，麦味都几香，唔知系唔系食咗咕噜肉D菠萝，觉得只麦啤有D菠萝香味。听讲呢度嘅咕噜肉又系必点嘅，网上讲系新鲜猪肉加新解菠萝，叫咗试咗，真系必点，可能系食过最好食嘅咕噜肉，外层粉浆落咗个甜酸汁之后仍然保持少少脆口，入面旧猪肉(估计系梅头肉)又真系熟得黎Keep到软绵绵嘅质地，真系几好食。