笠笠咖啡 (已搬遷) 新店位置

呢间Lov Lov Coffee推出平民价学拉花咖啡，宜家仲有得自制卡通热香饼，想整咩公仔都得，整完仲可以好好品尝自己嘅作品，畀忙碌都市人嚟到轻松吓、减减压。之后再睇睇个menu唔想食热香饼，仲可以试整鲷⿂烧和3D立体公仔咖啡，鲷⿂烧有朱古力同芝士两款口味，而咖啡可自选鲜奶咖啡、牛奶朱古力、绿茶鲜奶和紫薯鲜奶4款口味。店主仲会好用心教你每一个步骤，非常细心。玩完一轮仲可以留喺度慢慢叹，两位店主都非常好客，而且环境舒服，食吓嘢倾吓计，一流！热香饼变金黄色后，再将卡通公仔填满。哈哈...我始终都系第一次...所以其实我都画得几样衰...不过店主话只要捉紧时间...其实一d都唔难架...之后再整左个3d咖啡3D立体公仔咖啡制作时要非常专心，因为画公仔步骤十分仔细。但唔讲我自己画果个3d咖啡~其实佢d咖啡都几好饮架...咖啡味冇盖过左个奶味...本身以为佢d咖啡会好hea既..因为呢间系著重拉花...但到最后喜出望外...赞好呀