風雲丸

营业中

休息中

一早已经听过风云丸个名，可惜抽唔到时间同朋友过海去食。早前知道佢系尖沙咀开分店仲要系K-11咁近，所以一收工就跟同事过黎拜访一番。因为都排左一阵队，所以饿饿地就一齐点左特盛(400G)，面量都颇多。期间限定：特浓山椒鱼干沾面。上枱时滚烫非常，带出鱼汤诱人香味。旁边附上一片柠檬，可以根据口味自行调整汤嘅浓淡味道。轻轻加一两滴就啱啱好，因为沾汤本身都真系几汤。烧肉超厚同大块，可以当佢猪扒咁睇都无问题。肥瘦均匀，入口油香四溢之余又好松化，配上鱼介沾面增加味道，好好食。可惜面身唔算特别，如果用上曲身粗面，就更能挂上汤汁增添风味。附赠嘅鱼干几香口，迟左放汤有啲硬，最好系一开始放落沾汤里面软化及出味。辛辣豚骨鱼介沾面。同样系厚切烧肉，但同事嘅就肥腻左少少。汤底用上辛辣粉调味，入口较刺激，味道同山椒鱼汤差不多，爱辣人士可以一尝。日式饺子。用上少少面粉水煎所以结左一大块脆片。饺子唔算大只主要系香口同填补沾面嘅浓郁味道，不过不失咁啦。因为新开业关系，人流唔算太多唔会造成一食完就要转俾下一手嘅情况，所以仲可以食完跟同事下计。整体都算唔错，拣系吧枱坐可以一边睇煮面一边食，双重享受。