麵屋常勝

营业中

休息中

朋友话有间食日本拉面嘅舖头，令人感觉似喺日本街头食嘢嘅风味，咁就一定要亲身感受吓。由于店舖细细间，只有十个八个座位，大家排排坐，变得密质质，零舍有特色。而且布置又似日本街头，各种标志更渗出东瀛风格。当然叹我钟意嘅吉列豚肉豚骨汤拉面，薄身嘅豚肉，香气扑鼻，一食就停不了。拉面可选择软硬度，各适其适，豚骨汤非常丰盈，味道浓厚，面质滑溜，互相配合 。我特别加咗玉米及溏心蛋，蛋确实做到溏心效果，滑滑嘅蛋白，够幼嫩，蛋香满分。再升级为套餐，配咗可口可乐及炸章鱼球，章鱼球炸香后，爽滑可口，甜甜酱汁有和风味道。朋友拣咗吉列牡蛎黑蒜油豚骨汤拉面，香浓豚骨汤底加埋黑蒜嘅独有香味，极之惹味，配大量蔬菜及爽脆日本木耳，令整碗拉面口感更加丰富，满足感大增。仲有套餐嘅滋味鸡软骨及雪碧汽水，鸡软骨炸得香脆可口，好好食。好容易食得出厨师用心炮制食物嘅坚持，更值得一赞嘅系佢地唔会落味精，令人食完唔会口渴，真系冇得弹。