麺楽

营业中

休息中

完全唔明点解呢间冇乜负评！！！今日食食咗两个拉面，味噌汤酱油味拉面，俾咗两次机会佢，点解可以难食到咁。首先一定要讲嘅系拉面质地，佢d拉面真系垃圾级别，面底类似港式油面𠮶种，或者你当系味千拉面都比多佢，食食吓仲要有啲位唔系好熟，硬硬地。谂住试吓饮啖汤会唔会好啲，点知更加灾难。味噌拉面个汤底都还可以接受，酱油𠮶个真系灾难级，第一啖饮落去觉得个味道好熟悉，但系咸到想洗胃，再饮多几啖，就发觉好似平时X前一丁𠮶啲公仔汤底咁，落单嘅时候仲可以问要唔要麻油，咁而家知点解突然间会有麻油啦！极度怀疑系咪真系X前一丁里面𠮶包麻油直接倒落去。d配菜好似屋企著面𠮶d隔夜菜咁，啲粟米食落烟烟韧韧个程度仲好似系糯米粟，边有人用糯米整拉面㗎！最后两碗面根本食唔晒，咸到想洗胃，饮咗超多水都仲好颈渴。最后埋单仲要贵过一兰！如果系出名食唐扬炸鸡，唔好叫面乐啦，强烈建议改名叫唐扬乐，中晒大伏。