麺楽

营业中

休息中

食物ok,但樓面果位阿婆似乎有厭女症，對年輕英俊男客非常有禮有笑容但對女客呼呼喝喝態度極之惡劣，如果餐廳只歡迎男客不歡迎女客可以在門口寫明，又一次證明點解港人寧願北上消費也不願意留港貼錢被呢D甘既人呼喝，飲食業界老闆再請埋呢D甘既人執是遲早問題，個廚煮得幾好食都無用、二人lunch差不多四百都可以甘無禮對客，下次寜願俾多少少上五星酒店lunch ，其實間餐廳甘細得果幾張枱個阿婆都可以做到甘悔氣態度甘惡劣，建議呢D人材應該放起後門洗碗洗廁所不要對客

完全唔明點解呢間冇乜負評！！！今日食食咗兩個拉麵，味噌湯醬油味拉麵，俾咗兩次機會佢，點解可以難食到咁。首先一定要講嘅係拉麵質地，佢d拉麵真係垃圾級別，麵底類似港式油麵嗰種，或者你當係味千拉麵都比多佢，食食吓仲要有啲位唔係好熟，硬硬地。諗住試吓飲啖湯會唔會好啲，點知更加災難。味噌拉麵個湯底都還可以接受，醬油嗰個真係災難級，第一啖飲落去覺得個味道好熟悉，但係鹹到想洗胃，再飲多幾啖，就發覺好似平時X前一丁嗰啲公仔湯底咁，落單嘅時候仲可以問要唔要麻油，咁而家知點解突然間會有麻油啦！極度懷疑係咪真係X前一丁裏面嗰包麻油直接倒落去。d配菜好似屋企著麵嗰d隔夜菜咁，啲粟米食落煙煙韌韌個程度仲好似係糯米粟，邊有人用糯米整拉麵㗎！最後兩碗麵根本食唔晒，鹹到想洗胃，飲咗超多水都仲好頸渴。最後埋單仲要貴過一蘭！如果係出名食唐揚炸雞，唔好叫麵樂啦，強烈建議改名叫唐揚樂，中晒大伏。

之前朋友介紹過，一直以來都好想試，今日終於食到。2人行叫咗兩碗味噌拉麵（掛住食唔記得咗影相）😂湯好味唔口渴👍面質地夠爽。另外點咗炸雞，超好味，而且Juicy，唔係平時又乾又硬嗰啲口感，推介👍

隱世拉麵 🍜拉麵同餃子定食價錢其實唔算極貴，大份好夠食。我見餐牌有炸雞所以叫埋，上到枱先知原來塊塊都超大件，實物比餐牌入面相片效果更好，下次試埋佢哋嘅蝦天婦羅、炸池魚。食物有溫度，好味道。拉麵軟硬適中、餃子皮肉餡分明、雞塊外脆內嫩。我只能投訴枱面角落地方唔大，又有好多食物茶杯餐具。雖然係咁聽住日文歌，你可以靜靜地食餐飯，好療癒。店舖屬於橫街位置，唔小心好容易行過，不過炮台山站出口過馬路就係，好方便。

跟男友到港島走呀走來到北角，雨紛紛有點寒意想吃點熱騰騰的讓身子暖起來！左行右看，一間門外排了十多個客人、門面非常簡單的拉麵店，當中的牛油拉麵最吸引到我倆～札幌 味噌牛油拉麵 $120函館 塩牛油拉麵 $120半熟味付玉子 $17我倆其實還未吃過牛油拉麵呢！這個其實是北海道其中一款馳名拉麵，將放入牛油在麵中讓其慢慢融化，獨特的香味據說中和拉麵的鹹～ 店家主打北海道拉麵，款式不多但有味噌湯跟鹽湯的牛油拉麵就各點一款，拉麵以外還有叉燒、粟米、雲耳、筍跟椰菜，是非常典型的拼配啊！無論是重口味的味噌湯還是相對清淡的鹽湯，加入大大片牛油稍作攪拌至溶化，湯頭會增加一陣牛油香氣跟順滑感，吃起來層次又會變成不一樣且不會膩，建議可以先喝原本的湯頭味道再吃另一個變化啊！拉麵麵質不錯蠻掛湯的，只很可惜不能選軟硬度；配材因吸收了湯汁所以好吃，屬正常揮作；叉燒只有一塊還要是捲得不夠扎實空心有點大，肉質腍滑油脂感不會太重是好吃的，貪心的我倆會希望可以有火炙過的香氣會更好！每次吃拉麵也要吃溏心蛋的我，在這裡吃要另付$17才吃到有點貴，最重要是蛋黃有點overcook未能做到應有的效果～ 整體來說又未有跟網路上的評價做

在砲台山，我發現了一家絕對稀有的小吃寶藏，一間炸雞料理和北海道拉面的完美結合，讓人回味無窮。首先，砲台山的這家炸雞店真的是全港無敵之一。酥脆外皮下露出多汁嫩肉，每一口都是美味的極致享受。他們的炸雞搭配獨特的調味，層次豐富，絕對是炸雞界的霸主。而這裡的北海道拉面更是另一道驚喜。湯頭濃郁，麵條Q彈有嚼勁，仿佛把人帶到北海道的美食天堂。這樣兩者的組合，實在是讓人難以置信的美味。儘管是一家小店，但擁有著無與倫比的料理實力，絕對值得支持，讓我們都能繼續享受這份美味，多多支持這家讓人驚艷的小店。

第一次食呢間餐廳我點了拉麵，覺得沒什麼特別，沒打算再來。後來朋友跟我說這裡是品嚐了炸雞不是拉麵，於是再來一試。我點了炸雞定食，炸雞外皮金黃酥脆，咬下去時發出悅耳的聲音，內部的肉質鮮嫩多汁。搭配的珍珠米白飯煮得剛好，口感Q彈。選了沙拉醬醬料，醬料內有雞蛋，搭配炸雞更增添了整體的層次感，亦唔會覺得太漏。此外，餐廳的服務也非常周到，不停幫我加茶。最後想講，個定食份量真係好多，但真係太好食，都食曬成個餐。

聽講要試過好食嘅嘢先有個比較識得分好唔好食🧐（當然世間就總有啲唔洗比較都知佢整得好難食嘅嘢食存在🫣）今次專程去到炮台山一間榮獲日本唐揚協會金賞嘅小店嚟試吓認證級嘅炸雞，睇吓同平時貨色相比有咩唔同🍗小店由日本人主理，店面裝修用上傅統日式風格，光猛企理✨成間鋪座位唔算多不過就真係比較窄，枱同枱之間個距離只係隔一個身位都冇，孭住個袋想行入埋面坐真係要因住唔好掃咗人哋碟雞落街😂▸ 唐揚定食（韃靼沙律醬） | $127成個定食套餐包咗麵豉湯、白飯、沙律同一款前菜，唐揚足足畀咗四大舊，自問唔算好細食但要我一個人食晒我諗我應該都會飽到上頸🫠蛋控對所有蛋類嘅發明品都冇抵抗力，所以今次第三次回頭都係毫不猶豫揀返韃靼醬🍳韃靼醬用咗大量碎蛋撈埋沙律醬同洋蔥等等材料整成，檸檬汁同芥末味道唔會太搶🍋酸酸甜甜食落好開胃解膩，配炸雞呢啲咁邪惡嘅食物相當夾！有蛋又有雞，今次真係一家團聚🐣（喂炸雞本身炸得好香脆而且唔油膩，外皮炸得乾身但內裏就保留咗滿滿嘅肉汁，雞肉亦都好嫩滑有彈性得嚟仲要啖啖肉🍖正正係因為外皮炸得夠脆即使炸雞部分表面淋上韃靼醬亦都不至於浸到淋晒，咁遠水路都回頭三次咁多食爆爆真係有原因😎✨▸ 煎餃子 |

一間由日本人夫婦經營的日式料理店，選址位於北角，店裡店鯡的裝潢都將日本風格完好無缺地複製過來，自身在餐廳裏有如去了日本一樣～若鶏唐揚げ(タルタルソース)定食 HK$140其中店內最享負盛名的莫過於是南蠻炸雞，即叫即炸的炸雞非常香脆，配上特製的他他醬能夠消除油膩感，亦能將味道昇華到更高層次𖤐ˊ˗ メンチかつ定食 HK$132另外點了一份メンチかつ定食，一共有兩件又大又圓的炸肉餅，完全是正宗日本的味道，洋蔥和肉末的比例剛好，炸到金黃色酥脆可口，很有驚喜！定食均配以日式米飯，亦佐以小菜和金平牛蒡和麵豉湯，每一品都非常好吃，還喝上了最愛的ハイボール，吃畢整份定食後感到非常滿足♡

早排睇Youtuber介紹呢間係炮台山嘅拉麵店，裡面嘅唐揚炸雞非常出名，咁啱今日經過就去試吓。可能已經兩點，Lunch time嘅人潮已過，入到去… 竟然一個人都冇，我都有啲出奇。差啲想行番出去。可能因為佢啲嘢唔算平，一個拉麵或定食都成百錢起，真係未必會有咁多人幫襯。Menu裡面大慨有拉麵、定食、小食揀，淨係唐揚炸都有4款唔同，原味、韃靼沙律醬、白蘿蔔蓉醬同炸蒜辣油。我就揀咗配韃靼沙律醬，感覺加啲醬會冇咁熱氣。定食包埋麵豉湯、白飯、同小食水雲、炸雞就有4舊，即叫即做，份量好足，剛炸起熱辣辣，皮脆肉嫩，又唔會好油。個皮炸到超脆，冇哂油脂，食落脆卜卜，啲肉又唔會炸到好乾，好滑好Juicy, 配埋韃靼沙律醬, 應該係蛋黃醬撈埋切碎嘅雞蛋同洋蔥，酸酸地好開胃，夾埋舊雞嚟食，簡直Perfect Match。仲有啲沙律，車厘茄同生菜，撈埋芝麻醬，又係酸酸地，兩個唔同既味道，可以中和膩嘅感覺，因為雞真係夠哂大舊，食哂超飽。😋😋總括嚟講一間小店，得十幾廿個位，一個店員，一個大廚。衝著唐揚炸雞嚟嘅話一定唔會失望。👍🏻👍🏻👍🏻

經朋友介紹到這家居酒屋晚飯，因店舖座位不多，所以要等候一會兒。入座後，鄰座食客是一行五人的日本人，已令我有預感食物應該不錯。 裝修走簡單的傅統日式風格，光猛舒適。 餐牌圖文並茂，食物以拉麵及定食為主，單價約$120至$150，算大眾化。 我點了餃子定食 ($132另加一服務收費)，除了餃子和白飯外，還有牛蒡、沙律及面豉湯，顏色豐富，賣相美觀。 沙律是車厘茄及生菜，配芝麻醬，簡單而開胃的配搭。 面豉湯清澈而有鹹香，配料包括豆腐及白蘿蔔。 主菜餃子共有8件，煎得夠鑊氣，外皮香脆，內裡豬肉鬆化，肉汁甜美，配軟熟可口的日本米飯，是一種享受。 總結來說，食物味道佳，不會令人失望的。服務方面，店員誠懇親切，令人賓至如歸。

外子鍾意食唐揚雞飯，睇完一個 YouTuber 介紹麵樂係一間被拉麵耽誤咗嘅炸雞店之後，即刻蒞食。傳聞話唐揚げ發明者個孫喺香港開咗間鋪頭。YouTuber介紹話日本唐揚げ協會唔知比咩qualification佢。外子對麵樂嘅炸雞飯讚不絕口。佢話果舊炸雞又大又炸到脆卜卜，啲mayonnaise同邪惡沙律醬又鬼死咁好味，沙律菜又有邪惡胡麻醬。價錢唔平，但唐揚雞飯性價ok。地方淺窄 。無其他補充。要食就要乖乖地門口排隊了。

於炮台山工作完畢，大概晚上八點，周圍覓食卻差不多last order。突然發現者小店，入來一試。聽聞他們的炸雞 super good, 因為太夜怕熱氣，所以只點了一碗豬軟骨拉麵。拉麵的了非常充足，拉麵的口感，煙韌度，非常合乎我的要求，好食。豬軟骨入味，不過份量略嫌小。份量好似好多，但係食完感覺啱啱好。而佢仲有幾款湯底揀，我揀嘅醬油湯底，好味但略嫌鹹咗少少。雖然店舖座位不多，幾個朋友一路食一路傾，員工都冇學講我哋走，反而有一種cozy feeling ! 拉麵雖然好食，不過差不多要$140，略嫌貴。

I recently visited a Japanese restaurant in North Point that primarily serves ramen and fried chicken. While the ramen was decent, the standout dish was definitely the fried chicken. It was some of the best I've ever had! The chicken was cooked to perfection, with a crispy exterior and juicy interior that was bursting with flavor. The seasoning was spot-on and the meat had a lot of natural juices, making it incredibly satisfying to eat.However, one downside to this restaurant is that their openi

之前行過我見有人排隊，所以今次就同朋友過嚟試吓呢間餐廳。好彩今日時間尚早，所以唔使排隊😁叫咗牛油拉麵，講真，碗麵冇其他人講到咁差，個人認為湯底都唔錯，麵質都算煙韌。隻糖心蛋唔錯，但係叉燒份量真係少咗啲。朋友叫咗鯖魚定食，反而鯖魚定食有驚喜。塊鯖魚大大塊，煎得啱啱好，分量足夠，飽肚😆餃子都係一般例牌，冇特別好食或唔好食。反而因為店舖位置真的有限，所以經常都會出現搭枱的情況，還好我同朋友兩個人，剛剛坐了一張二人枱，在餐廳裏面加入的位置，所以可以安心吃飯😌😌 不過如果下次我再想食，可能會選擇外賣，而唔係堂食，因為唔係次次咁好彩，可以坐到二人枱😂😂