拉麵來 (已結業)

呢日去开咗几年嘅驰名人气店拉面来。从店外到店内，都系浓浓嘅日本风。入面面积唔大，总共只有大约十几张櫈，难怪经常大排长龙。墙上贴咗唔少同日本有关嘅怀旧海报等等。屋顶仲挂咗好多怀旧玩具。餐牌入面啲食物都系用手绘方式展示，画风可爱，原来系出自香港知名画家小不啦叽嘅手笔。嚟之前都睇过有关呢度嘅嘢，对佢哋嘅极上海老吟酿汤面几有兴趣，最后就试咗人间限定嘅款式，始终极上海老吟酿𠮶款系佢哋嘅恒常口味，下次如果再嚟嘅话先食都唔迟。台面放咗餐具、加咗柠檬片嘅水、昆布醋、即磨白芝麻，另外仲有腌蒜头同腌菜等，可以自己拎嚟用。人间限定嘅牛舌牛尾汤拉面，由于我唔要香笋，卖相就显得唔太突出。两片安格斯牛舌切得算厚，肉质腍而有牛香。汤浓度同面质就拣咗普通，汤底用牛脊骨同牛尾熬煮成，色泽比用豚骨烹调嘅清澈，另以黑椒粒、香葱、蒜蓉同香味油提味，调味料嘅味道稍重，盖过牛尾汤本身味道。另加嘅味玉食落软滑，中间几流心。之后一口气试咗三款小食。自家制饺子，底部煎到微微香脆，另外两边嘅饺子皮仍带烟韧度，内里肉馅唔多唔少，配上加咗香葱、味道酸酸嘅酱汁，可中和腻感。鹿儿岛猪软骨，煮得入味，满口都系骨胶原，肉质亦都几易咀嚼。鸡免治，外层