味千拉麵

营业中

休息中

好耐无食过，因为有一排真系差到晕，特别香港开咗好多间拉面店更加唔明点解味千仲生存到。几年无食过，不过信德中心根本无野好食，又人山人海，难得见到有间唔洗排队，唯有帮衬。食物：味道正常，同自己系超市买番嚟煮一样，无乜特别差亦唔会特别好。服务：普通，信德人来人往，员工做到傻傻地，态度唔会好得去边，无对你呼呼喝喝都算唔错。价钱：几抵食，依家百物腾贵，味千都唔算加得劲，咁耐无帮衬好似都系差唔多价钱，几抵。舒适：烂商场唔好要求咁高，食完好走啦，不过最烦系好多野飞嚟飞去成日想冲落你碗野到咁，成碗面就有4只野系附近，好想问侍应借支电蚊拍用，不过见佢哋太忙都系算，成完就走。总括：食物以呢个价钱嚟讲都可以，可以再帮衬不过一定唔会系呢间分店，卫生问题。