博多拉麵別天神 (已結業)

如果你想「惩罚」同路嘅良心小店，推介你哋去食铜锣湾嘅博多拉面别天神啦。其实，我同M佬啱啱认识嘅时候，我哋已经成日嚟食架喇（竟然带我食拉面，而唔系浪漫烛光晚餐啰），因为佢嘅猪骨汤底真系超浓厚，但最重要都系𠮶份人情味。入去食嘢前记住先用门外部自助售票机买飞，呢度嘅选择贵精不贵多，小食2款，汤面2款，或者组合成套餐。买好嘢食就将购买券交俾店员，好有日本feel呀。小龙虾蟹子沙律将紫菜包住小龙虾沙律，再一啖食落口，紫菜香脆，小龙虾份量多又弹牙，配埋蟹子，口感丰富！而每次食亲呢个小龙虾蟹子沙律，M佬都会细心帮我包好，好sweet架。饺子饺子虽然唔系自家制，但火候控制得好，皮煎得微㶶，里面仲keep到肉汁，唔错。豚骨汤面呢到嘅拉面选择贵精不贵多，分别系豚骨汤面同埋加入咗樱花虾嘅虾味噌豚骨汤面。豚骨拉面有溏心蛋、2块叉烧、木耳丝、紫菜，当然唔少得拉面啦。记住加埋放喺枱上嘅辣芽菜呀！辣芽菜香口弹牙，加埋落碗面度食，味道大大提升。虾味噌豚骨汤面另一款就系虾味噌豚骨汤面，除咗有重点嘅拉面，仲有溏心蛋、2块叉烧、木耳丝、紫菜、粟米同大量樱花虾。加入咗虾嘅豚骨汤，汤底味道大大提升，好浓郁好有层次。