影片
更多
2017-09-19
2595 浏览
晌日本旅行，见啲日本餐厅真喺做得好专吓，卖拉面就只喺卖拉面，卖寿司就净喺卖寿司。不过，今晚落开湾仔买啲电脑附件，路经过嘅「幸屋」，就既卖拉面，又有丼，且有好多串烧添。一支公食番碗拉面，都可以喺种小确幸唷！门口大大个橙红色灯笼、布帘，一派和风标记。走入店内，以拉面店嚟讲，地方唔算细，一边高脚枱櫈面壁位，另一边就4人座，难得楼底极高，令空间感强。既然得一个，就拣面壁位自在啲啦。餐厅尾似喺水吧位及厨房重地，可惜，就睇唔到师傅煮面嘅情况。整体装修都喺比较简约，大抵想食客能专注佢哋食物嘅质素。一坐低，奉上煎茶一杯。店家强调佢哋喺主打博多拉面，以超浓嘅猪骨汤为卖点，汤底经十多小时熬制，兼不含味精。而拉面分为金武士（原味豚骨汤）、黑武士（黑蒜油汤）、赤武士（辛辣地狱）、银武士（味噌）、胡麻王（芝麻汤底）、玄武士（冷沾面）及限定王（期间限定拉面），共7款，基本定价为$78-$88，此外，仲有多款追加配料。饭品选择就少啲，只有3款丼：黑豚丼、烧鸟丼、蒲烧鳗鱼丼，定价同样相宜，都喺$78或$88。仲有一面餐牌包括咗多类食物，如沙律、小食，以及串烧。串烧款式真喺估唔到咁多，专登数数佢，足有25款之多，有平有
门口大大个橙红色灯笼、布帘，一派和风标记。走入店内，以拉面店嚟讲，地方唔算细，一边高脚枱櫈面壁位，另一边就4人座，难得楼底极高，令空间感强。既然得一个，就拣面壁位自在啲啦。
餐厅尾似喺水吧位及厨房重地，可惜，就睇唔到师傅煮面嘅情况。整体装修都喺比较简约，大抵想食客能专注佢哋食物嘅质素。
一坐低，奉上煎茶一杯。
店家强调佢哋喺主打博多拉面，以超浓嘅猪骨汤为卖点，汤底经十多小时熬制，兼不含味精。
而拉面分为金武士（原味豚骨汤）、黑武士（黑蒜油汤）、赤武士（辛辣地狱）、银武士（味噌）、胡麻王（芝麻汤底）、玄武士（冷沾面）及限定王（期间限定拉面），共7款，基本定价为$78-$88，此外，仲有多款追加配料。
饭品选择就少啲，只有3款丼：黑豚丼、烧鸟丼、蒲烧鳗鱼丼，定价同样相宜，都喺$78或$88。
仲有一面餐牌包括咗多类食物，如沙律、小食，以及串烧。串烧款式真喺估唔到咁多，专登数数佢，足有25款之多，有平有贵，有蔬菜，有肉，又有海鲜类。
饮品方面，除汽水，仲有数款特色饮唔5，如绿茶可乐、桃味特饮，更有甜品供应，但只得一款绿茶焦糖布丁，不过，一问就话已经卖晒。
讲到啲拉面，除口味以外，面条类别、软硬度、汤嘅浓度、浓香油度、叉烧选择、青葱、椰菜份量都可以逐项拣，不过，好似少咗木耳丝一栏㖞！
黑武士 $78小弟最心水嘅喺以黑蒜油混入猪骨汤嘅黑武士，贪其浓香得嚟有层次，呷一口汤，果然浓郁，却唔会太糊浆住个口，浓而不腻，蒜香又随随渗出。夹杂葱花再饮多口，又别有一番滋味。
黑武士
$78
12 浏览
0 赞好
0 留言
溏心蛋喺原只上，但一夹开，蛋浆流心黏凝，食落极有蛋香，蛋白部份柔嫩软滑。其余嘅伴菜亦唔求其，大量椰菜及木耳丝，仲有啲以为喺金蒜嘅炸蒜粒，咬落先知喺炸肉碎。
小弟钟意啲咬口嘢，喜欢拣粗面，食意大利饭，所以，面条拣白面（较粗身），软硬度就选上硬嘅。面条真喺极具咬口，非常烟韧。
虽然有杯绿茶作解腻，但天气热，又食住拉面，都想饮罐嘢解解暑。
黑豚秋葵串 $20食完碗面，八乘几饱，店员问有无兴趣试佢哋啲串烧，做得几巧手吓，所以，拣串平平哋嘅黑豚秋葵串。薄切嘅黑豚卷住秋葵，黑豚烧得焦香，入口满满油香，感觉其实喺有点肥，但再咬埋爽口嘅秋葵，极个配搭又真喺掂㖞。
黑豚秋葵串
$20
8 浏览
0 赞好
0 留言
净喺食拉面，城中有唔少出色嘅拉面店，但既想食拉面，又想食吓高质素串烧，我觉得嚟「幸屋」喺唔错，串烧成为佢哋嘅增值服务。
张贴
