阿夫利拉麵 (The ONE)

营业中

休息中

有时我自己会好唔小心咁对号入座，见到系饮食集团营运嘅餐厅就觉得应该唔会差，唔系饮食集团营运嘅就不会抱期望，其实咁样真系唔多公度。首先，其实都有试过某些饮食连锁质素参差已经唔系新鲜事，同时间，又无明文规定话唔系饮食集团整嘢就唔一定好食。所以，我这种耐唔耐会出现嘅心态真系自己都觉得唔好。就好似I.T旗下嘅餐厅，J.S. Foodie我已经钟意到极点，佢哋唔算系饮食集团(会唔会其实都算系呢🤔因为佢哋潮界嘅形象太鲜明，我无当佢哋系饮食集团)，但质素非常有保证。啱啱去咗The One i.t. 嘅 @afuri_hongkong ，喂，真系好唔错㖞，碗拉面嘅水准基本上不比市场上我食过嘅差，甚至乎好过其中一两间开到用围都系嘅连锁拉面店！另外嗌咗碟炸鸡(无影相)，好啱我口味，食落唔会有某啲韩式炸鸡感觉上咁热气。第一幅相系一个素Gyoza，亦都好出色。食呢一餐其实系未够钟食晚饭，行过见到谂住入嚟试一试，见到佢哋装水嘅玻璃樽有品牌「阿夫利」三只字，样样出品都好，喜出望外！真系要揾次正餐再来试多几样其他出品。