頂立

营业中

休息中

今日突然想食拉面，即刻上网search吓边间拉面舖好食，揾到呢间顶立，即刻去试吓。舖头位置好方便，舖头唔算多位，要等咗一阵先有得入座。虽然要等位，但系舖头都好有诚意，喺出边已经俾定个Menu我哋睇，仲同我哋介绍佢哋拉面嘅特色。食物选择唔多，证明佢哋对自己嘅拉面好有信心，加钱可以享受埋佢哋个咖啡有更完整嘅体验。叫咗鸡白汤同埋虾汤各一。鸡白汤浓得来唔会觉得腻，一啖咖啡一啖汤，会觉得汤嘅味道升华咗。个人嚟讲更加钟意虾汤，成个味都好鲜，成个汤饮晒都唔会觉得口渴，配埋个咖啡，after taste有少少威士忌味，真系好夹。每个拉面都会配埋无花果干，望吓佢个推荐食法，原来系俾我哋配埋个肉食。烟烟韧韧嘅无花果干，陪衬返个豚肩肉，肉嘅味道唔会腻。就算斋饮个咖啡，都feel到佢咖啡个诚意，入口先系少少士多啤梨同云呢拿味，到中段会有威士忌味，成件事好有层次。一个完整嘅Menu最后一定要有埋甜品，甜品系一个昭和硬布丁，佢个味似cream brûlée，会食到好有质感嘅布丁，衬埋个焦糖好香。系香港想食拉面周围都有，估唔到顶立比到惊喜我，完全感受佢个诚意同用心。