拉麵達人 (已結業)

朕今日约左个崇东洋既随从食午饭，佢就提议去食拉面，于是朕就梗系叫佢帮朕Check下有咩拉面好食，于是佢就揾左呢间位于佐敦既拉面达人俾朕试下！一入到去，朕就即刻睇下呢间野有咩好食先。黎到拉面达人就梗系食－达人拉面啦！但系碗碗都系达人，咁食咩野达人好呢。朕最钟意黑蒜，于是就拣左黑蒜达人同埋鸡软骨饺子喇。（呢度仲可以拣面既软硬度，同埋汤既浓淡程度。）朕碗浓汤黑蒜硬面一上枱，朕即刻试下个汤，佢用浓厚既豚骨汤底再配埋黑蒜油，令到个汤底更美味香浓，而个面身朕就㨂左偏硬身，食落就比较弹牙，再配埋热辣辣既豚骨浓汤，再加埋肥美稔口既日式叉烧，成碗面连埋汤都饮埋。鸡软骨饺子，煎到外皮香脆，入面既鸡软骨非常爽口，混和埋啲软稔稔既猪肉馅，外层香脆，入面又稔又爽口，口感复习，可以一试！－－－－－完－－－－－