士林台灣麵

营业中

休息中

西菁街即系元朗千色后面𠮶条街，一到夜晚就好多人，吸引左好多黎食嘢的朋友。以往叫汤面，近日天热都不得了，今日黎士林试下捞面先。台湾猪脚捞面，汤面定捞面都系同一款面，呢度的面系四方型，唔算特别粗或幼，面质厚度同软硬适中，捞面用的系肉燥碎同汁，连埋少少青瓜丝，捞面更加可以挂到啲肉汁，原来比食汤面更加浓郁. 猪脚用卤水汁煮成，有3件大大件，几够入味，而家够腍，又未会散哂好滞咁。香酥鸡扒捞定系汤，份鸡扒都系分开上，唔会整到份鸡扒腍左。鸡扒好大块，炸得好松脆，而调味简单但带到鲜味，咸香得宜。其实食汤面好多时系好想饮𠮶汤底，如果食捞面可以送一碗仔就正喇。饮品相对旧式的台湾食店货色，好正路，大大杯。