悅滿軒

今年第一年同男朋友庆祝拍拖周年， 特登拣咗一间比较靓嘅法国餐厅同佢食餐好嘅！同男朋友上到去嘅时候， 惊喜嘅系有好多人喺度摆档，见未够钟就同佢一齐行吓。顺便买下野入到餐厅个环境都唔错，装修比较现代化，同外墙有强烈嘅对比，但环境都算舒适同宁静。非常唔错为咗有个满足嘅周年纪念😏今次全部都系嗌我哋钟意食嘅嘢👍🏻前菜🥗：香煎法国鹅肝配自家制鸭髀 花糖烩梨鹅肝煎得好香脆，口感外脆内软，而且好Juice。完全冇膻味，鹅肝味好香。鸭髀嫩滑，唔会太韧，食落口仲可以保持到肉质鲜嫩嘅口感👍🏻烩梨清甜可口，中和返浓味嘅鹅肝同鸭肉👍🏻主菜🦀：香煎日本松叶蟹饼配金苹果蓉 鸡尾酒汁 蟹肉饼炸到金黄色。卖相非常吸引。口感非常香脆。味道非常重蟹肉味。完全食得出佢系用咗大量蟹肉去整嘅👍🏻佢个金苹果蓉完全带出咗蟹肉饼嘅鲜味。呢个男朋友食都赞不绝口主菜🦪：香辣蒜片蚝肉白酒意大利粉 蚝肉嫩滑饱满，意粉蒜味浓郁，但唔会覆盖左蚝肉同白酒嘅味道，连埋个意粉一齐食。加埋一齐食，完全可以食到唔同的层次感👍🏻男朋友表示，呢餐好满意，因为每一样都系佢钟意食嘅嘢。之后有机会可以再黎食多次👍🏻