SHAO (已結業)

今年嘅拍拖周年，我哋选择咗喺何文田胜利道嘅一间餐厅庆祝。今次呢间餐厅系女朋友同佢啲同学之前食过嘅，觉得好好食所以再来试多次。其实我自己都几钟意胜利道呢一个地方，呢度旺中带静，距离旺角地铁站都系10分钟嘅路程，但没有旺角那么人多挤迫，有一种去左一个小社区嘅感觉，都几舒服下，几悠闲下。讲返呢间餐厅先，呢间餐厅其实系一间好细嘅小店，里面嘅座位我谂大概有五台到每台坐二至四人，里面嘅装修有一种开放得来又清新嘅感觉，𠮶一日我哋影相嘅时候，热心嘅店员亦都为佢庄系墙上面嘅字开了灯，影相打卡都几靓㗎。嘢食方面，我哋叫咗一个茶渍烧三文鱼腩饭同埋一个茶渍烧剑鱼腩饭，系烧三文鱼定烧剑鱼腩，有入口即溶嘅感觉，而肉质都很嫩滑。饭配茶渍，很清新，很美味。另外我哋仲叫咗一客薯条，薯条炸得好脆，有食上瘾嘅感觉。我哋𠮶日叫咗一杯牛油果特饮，呢个特饮好清甜。