Opa Mediterranean Bar and Bistro (已結業)

今日系尖沙咀唔知食咩好、决定拣返安全牌，黎呢间主打地中海菜既餐厅再帮衬过～✨意大利风干火腿火箭菜薄饼离远闻到已经觉得好香～上面既火腿份量超惊人，每块薄饼都有一块火腿，而且仲非常大块。火腿咸香唔算油腻，加埋火箭菜独有既苦苦香，可以平衡返味道。Pizza 系薄既个款，食落劲脆，上面有少少蕃茄酱，成个味道好丰富。✨ 烤地中海盐渍鳕鱼柳呢个主菜超靓，上面有一旧好得意既foam，好啱打卡！鱼用左西班牙鳕鱼。盐渍鳕鱼味道偏咸，但肉质富弹性，特有一番风味。鱼下面铺左啲以色列古斯米，佢系用粗小麦粉加水揉成既细波波，食落口质感有啲弹性，有少少似西米，配埋啲sauce食都唔错！