原藝

营业中

休息中

星期五晚同老婆拍拖，上网见到呢度由蓝带厨师主理嘅新分店，揸车嚟好方便，又有泊车优惠，但坐地铁比较难揾；其实餐厅在女青年会内。装修都有少少文艺元素，餐厅面积唔算大，订咗位才来比较稳阵因为附近无其他餐厅！餐牌都有唔少嘅选择，由平至贵悉随尊便。红椒忌廉汤好彩唔系好辣，小小辣增加汤嘅层次感，亦减去腻的感觉，蒜蓉多士水准超高。蒜香鸡翼皮脆肉嫩，煎炸有水准，蒜蓉味香气吸引。黑松露忌廉带子阔条面摆设有心思，四只带子向唔同嘅方向中间再加个沙律菜，带子煎嘅火候刚刚好，保持中间嘅嫩滑，忌廉汁唔会太浓味，浓淡比例适中。香煎鸭胸配血橙酱亦显示出厨师控制火喉的水准，中间位置刚刚熟，鸭肉唔会韧，而佢哋应该拣咗一啲好靓嘅鸭胸肉，皮好薄唔会太肥。本来都已经好饱，但见到佢哋嘅甜品全部现场即制，卖相亦好吸引，忍唔住叫多个甜品试下。天鹅仔外型嘅朱古力黑茶慕丝最吸晴，天鹅翅膀同埋头都系白朱古力，佢地话慕丝蛋糕系由几种75%以上朱古力混合而成，有丰富层次口感亦唔会太甜。