築地日本料理 (結志街) (已結業)

今日同女朋友行街，谂住食埋饭先返屋企，所以就喺附近揾到呢间餐厅，食完之后我真系觉得我要写一段食评俾佢！物超所值！劲好食！我同我女朋友叫咗筑地二人前套餐，首先讲吓刺身同寿司，刺身超正呀！厚身、够新鲜，肉质超赞！我女朋友都话吞拿鱼超正！而寿司，极度推介海胆寿司！海胆真系好好食，如果你系一个海胆爱好者，你一定抗拒唔到佢嘅诱惑！烧物呢，我个人最深刻系牛舌，首先佢系厚切嘅牛舌，好有咬口、同埋烧到啱啱好，肉汁锁晒喺里面，咬落去超好食！最后佢哋嚟咗个冷鸟冬，呢个乌冬作为结尾简直系一流呀！佢呢个乌冬好有弹性，好有咬口！同埋佢系手打乌冬，果然同机械打嘅好大分别！呢间餐厅真系物超所值！好好食呀。