Mini Club (已結業)

同女友庆祝一下，嚟到依间mini club入去前佢仲话我仲乜庆祝带佢去酒吧!佢由睇餐牌开始就♡♡眼啦！呢杯泡泡鸭仔系好清新嘅青苹果奇异果，仲有啲爆炸糖可以加落去Honey Bee 有杯蜜糖在旁，佢系咁攞支蜜糖棒起度玩。按佢喜好点完两杯cocktails 就可以开始啦佢装修都几有特色佢做紧promote , 点支酒送个海鲜盘，原本睇图以为好细份，点知系超大盘，半只睡蟹，半只龙虾，2只七孔鲍，4只翡翠螺，4只大虾及青口。材料都算新鲜，去大超市买海鲜盘都唔只依个价。只得海鲜又点会满足到我呢，炭烧安格斯牛仔骨加焗薯烧得啱啱好，个烟肉焗薯仲非常好食。庆祝就梗系要点火啦！呢个黑毛猪䯃扒，香而不油，配咗啲沙律菜即时健康晒。重头戏留后啦，呢个呃like 一流，女友系咁起度影，但我地因为太饱，只系食咗小小，味道不过不失啦，但靓到爆，走时见到其他枱都有座闪下闪下。