影片
更多
2014-07-14
1038 浏览
之前提及嚟到The Pudding Nouveau摸门钉，改咗去食PizzaZaZa，虽然唔会话食佢唔到唔愤气，但朋友话点都要一试，就择日重赛再嚟「拔钉」，仲要预早少少嚟，避开少少人潮。7:00pm到达，果然好多客，已经坐满成间铺，犹幸门口无乜人龙，得我哋同另一组客，等一阵就已经有位嘞。The Pudding Nouveau属Lassana旗下一员， 继续以小店模式经营，室内环境确实几细，廿个位都唔知有无。一室黑与白，营造出法式咖啡小店，不过，香港始终地贵人多，枱櫈排得密集之余，人声也有点吵，好老实，隔离枱嘅女生呀，我真喺无心偷听妳哋讲自身嘅秘密！所以，想感受一下法式嘅悠闲风情，或许闲日晏昼可以啩！一心嚟依度食佢啲甜品，但总要揾少少咸点垫垫肚。墙上手写黑板有一列咸点套餐，包任何鲜磨意式咖啡或茶，如意大利泡沫咖啡、伯爵茶、洋甘菊……等等。虽然有4款选择，不过，是晚就只得番牛角包一款。睇之前其他人嘅食评，大赞啲班尼迪蛋，好可惜今晚无缘一试。烟三文鱼蛋沙律牛角包伴沙律菜 $68单睇啲烟三文鱼嘅份量，就知绝对无欺场，唔会净喺得啲蛋沙律，烟三文鱼得一、两片。牛角包烘得金黄，松脆富牛油香；烟三文鱼
The Pudding Nouveau属Lassana旗下一员， 继续以小店模式经营，室内环境确实几细，廿个位都唔知有无。一室黑与白，营造出法式咖啡小店，不过，香港始终地贵人多，枱櫈排得密集之余，人声也有点吵，好老实，隔离枱嘅女生呀，我真喺无心偷听妳哋讲自身嘅秘密！所以，想感受一下法式嘅悠闲风情，或许闲日晏昼可以啩！
一心嚟依度食佢啲甜品，但总要揾少少咸点垫垫肚。墙上手写黑板有一列咸点套餐，包任何鲜磨意式咖啡或茶，如意大利泡沫咖啡、伯爵茶、洋甘菊……等等。虽然有4款选择，不过，是晚就只得番牛角包一款。睇之前其他人嘅食评，大赞啲班尼迪蛋，好可惜今晚无缘一试。
烟三文鱼蛋沙律牛角包伴沙律菜 $68单睇啲烟三文鱼嘅份量，就知绝对无欺场，唔会净喺得啲蛋沙律，烟三文鱼得一、两片。牛角包烘得金黄，松脆富牛油香；烟三文鱼味道烟熏咸香、油润丰厚，配合蛋沙律嘅酸酸甜甜、浓郁蛋香，口感实在，滋味满分；而伴碟嘅沙律菜亦加有油醋调味，酸香清新。
鲜奶咖啡 （跟餐）曾经晌观塘Express Bar by Lassana 跟过店主之一嘅Tracy学拉花，亦品尝过佢嘅手势，今晚晌度再遇到佢负责冲咖啡，真喺点可以唔点至钟意嘅鲜奶咖啡呀！简单一个拉花，已尽见功架，拉花图案清晣，图案尖尖位对正返咖啡杯身嘅餐厅商标，咪以为「符碌」，喺刻意拉成，而且，啱啱好倒到一整杯满满，一滴都无泻出嚟；饮佢啲鲜奶咖啡喺绝对唔使落糖，落奶手势好，奶同咖啡沟得匀，唔使再搅就可以饮出柔滑、香醇、均匀嘅口感。
芒椰沙冰 +$8散叫正价收$32一杯，跟餐补番$8就可以喇。两位朋友同时都点咗芒椰沙冰，的确卖相极之讨好，白跟黄，色泽亮丽，又充实阳光气息，浓郁嘅芒果沙汁，加入香甜嘅椰奶，幼滑冰凉，消暑奇「冰」喔！
讲完啲咸点轻食套餐后，就轮到「主角」登场。餐牌印制精美，图文并茂，包含多款窝夫、乳酪、奶冻、刨冰及特色甜品。
香蕉朱古力窝夫 $58窝夫喺我哋想试嘅重点，4款窝夫（鲜芒果、曲奇忌廉、香蕉朱古力、杂莓）我哋拣咗后两者。窝夫热辣松脆，饼心却好软熟，又有蛋香；再配上完熟嘅香蕉肉、朱力古粒、浓郁幼滑嘅朱力古雪糕，夹埋一齐食，冰火嘅口感，甜蜜嘅滋味，如淋上多啲多啲朱力古浆，就梗啱我添。
杂莓窝夫 $62香蕉换上杂莓（红桑莓、黑桑莓、蓝莓、士多啤梨），雪糕换上杂莓味，果浆改唧上士多啤梨味，就成为依道色彩缤纷、成份小果园嘅杂莓窝夫。几款生果都非常新鲜，各带有唔同味道，夹在雪糕与窝夫同食，跟香蕉朱古力窝夫感觉截然不同，清新醒胃，酸甜有致，有种夏日跳脱嘅感觉。
柠檬芭菲 $54卖相别致嘅柠檬芭菲，色泽对比鲜明，而忌廉、牛奶所做嘅芭菲，极之轻柔幼滑，柠檬清香味非常突出，入口清爽自然；而两侧嘅拿破仑酥皮松化酥香，点缀用嘅红桑莓提升酸香层次，整件甜品都好睇好食。
虽然今晚咁早嚟，都已经话有好几款甜点已暂停供应，例如：心太软、梳芙里，可见小店仍大受欢迎。试过其中几款食物，无论甜定咸，都感受到小店嘅用心制作，「人龙」之势亦非浪得虚名！
张贴
