喜滿樓菜館

营业中

休息中

今天下午去土瓜湾高山剧场陪阿妈看大戏，睇完才未够六点，近近地找间食店吃过晚饭才离开。从OpenRice找到这间所谓「隐世食店」见佢食^评好好就此一试，叫咗芝麻鸡、一字骨及小炒王。原本想叫蒸鱼肠怎知店员说要预订才有。咁我就算没有试啦。一字骨及小炒王的味道都好，但是芝麻鸡就有点失望，冰鲜鸡肉，没什么鲜味。只是芝麻颇多及鸡皮几脆。食店环境就使人失望，被安排上楼上坐，一张大枱跟其他人客人合并，足足坐成12人。三唔识七咁坐左三台人真系冇瘾。还有最使人不快的就是服务员的态度奇差。我心想我们都尽量希望多留港消费去支持香港食肆。怎知香港食肆的经营者好不争气，班伙计有心赶客咁款。搭枱的年长女士都有同感，唔识路上楼上问多两句，更俾楼下阿姐呼呼喝喝，搞到佢都话唔会再有下次帮衬啦。唉！食餐饭啫，搞到大家咁唔高兴为乜呢？怪不得啲香港年青家庭咁辛苦都要北上。因为消费得来有胜价比、优越感及满足感。平民食肆想留住顾客，除咗食物要保持水准外，就要花点心思培训员工好好待客。不要恃住老店就忘记咗对客人的基本礼貌。