港嘢茶檔 (已結業)

昨天下午，谂住好耐冇去过呢度食嘢，可以再俾多次机会，因为之前觉得佢啲食物好味，次次都会叫鸡扒炒公仔面同多士公仔面餐，对上𠮶次帮衬就有啲失望，因为碟鸡扒炒公仔面冇镬气兼且有啲冻，个多士公仔面份量少咗好多，所以今次来试多次睇吓有冇改善。不过未坐低已经俾个四眼老男人侍应赶走，我同老公一入去佢就叫我哋搭枱，但其实有卡位佢唔俾我哋坐，就算要坐卡位都要坐埋一边留返对面𠮶两个位搭枱，咁我见佢其余两张卡位都系得两人坐，而且唔使坐埋一边，两人可以对坐，于是我问个男侍应，点解佢哋可以两人坐哂一张卡位，佢声称话人哋本身三人来，但我见到𠮶两个人到走人埋单都系得两个，枱面都冇三份餐具三只杯。就连另一枱卡位都系两个人坐，个男侍应仲语气好差坚持要我哋搭枱，其实成间餐厅都好疏落，冇乜人，佢要我哋迫埋一边撘枱，我觉得疫情下食饭有风险，所以嬲得滞走人，临走佢仲好唔care啲客人感受，态度好差，我觉得我以后都唔会帮衬呢度，个四眼老男人侍应简直赶客。