雄記粉麵 (已結業)

今日放假自己一个人走左去荃湾 逛街，谂起附近有间粉面店好出名好多人食，于是乎就急急脚行去坐低，坐低无耐就叫左个春卷蚝油捞面同埋一杯可乐！落单无耐个侍应就放低左个捞面同一碗清汤比我食，首先试饮一啖汤，本人觉得真是咸左少少，跟住就急不及待食下个春卷捞面，哗………正！真是唔错㖞，D面好弹牙好爽口，师傅渌得刚刚好，唔会太淋亦唔会太硬，配埋春卷一齐食，真是好食到不得了，最后饮埋杯冰冻可乐真是超级爽！我终于明白呢间粉面店点解长期都成日有甘多人慕名而来食喇，雄记粉面我下次一定会再来食既！