貓之眼

营业中

休息中

就咁睇幅相应该都好多人认到佢系猫之眼👁次次想去食都见到大排长龙于是就放弃左。今次12点几去到，前面都已经有六七个人排紧，对比起平时黎到既时间，已经算少人🙈最后排左十几二十分钟。佢呢度既蛋包饭真系几高质🤩会想再黎试配其他酱汁同埋佢地既和牛汉堡。但系真系排队排得太夸张😧如果间铺头大啲可以唔洗排咁耐队就好了。1⃣️招牌三色蛋包饭（$82） 酱汁拣左咖喱猪肉同埋浓茄牛肉。呢度写住佢地既咖喱系用左35种香料、天然蜜糖同埋甜葱煮成既，食落系甜甜地既日式咖喱，有少少辣味，味道好香浓，入面既猪肉片都唔少，加埋啲煮到淋晒既萝卜粒食，送饭一流。另外浓茄牛肉个汁就用左啲蕃茄、洋葱、红萝卜煮成，味道真系好浓，偏甜🍅牛筋肉大大旧，牛味够，而且煮得够淋😋呢两款酱汁都好好味。  另外蛋包饭个蛋真系食到蛋味，蛋味都几香，而且食落口一啲都唔鞋口，呢间蛋包饭真系由个蛋到个酱汁所有野都好唔错🤤明佢点解成日要排队。