影片
更多
2023-10-28
1018 浏览
今日放假，过嚟观塘探朋友班，顺便一齐食晚饭。朋友想食中菜，带咗我嚟成业街呢间主打招牌酸菜鱼同小炒嘅「新哥厨坊」。原来朋友早前经过，见到餐厅新开张，晚市帮衬仲有九折优惠，所以专登同我嚟试下。我哋点咗个招牌二人餐 ($248)，套餐包两款凉拌小食、主菜同镬气小炒各一。小食选了蒜蓉手拍青瓜 同 新哥秘制鸡翼。手拍青瓜好脆好清爽，蒜蓉味道啱啱好，唔会太多😋 入口酸酸辣辣，十分醒胃。鸡翼即点即炸，新鲜热辣，一咬爆汁，正👍主食有酸菜鱼、水煮牛肉、金菇肥牛同招牌秘制鸡煲可供选择，鸡煲可自选微、小、中、大或劲辣，甚至唔辣都得，照顾嗜辣程度唔同嘅食客需要。鸡煲即点即炒，上桌时香味扑鼻，令人食指大动。马上一尝，果然有料到，鸡肉非常嫩滑，汁底调校得刚刚好，入口唔会过咸，微辣惹味。配料份量亦唔手软，内有枝竹、豆卜、紫洋葱、云耳等，加上索晒酱汁嘅精华，啖啖滋味。另外呢碟麻婆豆腐亦做得非常出色，红白绿相衬，豆腐形整不烂，食落又软又滑，入口更带阵阵花椒香，用嚟送饭真系一流！套餐奉送丝苗白饭，转米线+$5，另外仲有两杯热饮，我哋点咗柚子茶同百香果蜜，柚子茶酸甜清爽、百香果蜜滋润养颜，味道唔错，下次有机会会再嚟试埋佢哋
今日放假，过嚟观塘探朋友班，顺便一齐食晚饭。朋友想食中菜，带咗我嚟成业街呢间主打招牌酸菜鱼同小炒嘅「新哥厨坊」。
原来朋友早前经过，见到餐厅新开张，晚市帮衬仲有九折优惠，所以专登同我嚟试下。
我哋点咗个招牌二人餐 ($248)，套餐包两款凉拌小食、主菜同镬气小炒各一。小食选了蒜蓉手拍青瓜 同 新哥秘制鸡翼。
手拍青瓜好脆好清爽，蒜蓉味道啱啱好，唔会太多😋 入口酸酸辣辣，十分醒胃。鸡翼即点即炸，新鲜热辣，一咬爆汁，正👍
主食有酸菜鱼、水煮牛肉、金菇肥牛同招牌秘制鸡煲可供选择，鸡煲可自选微、小、中、大或劲辣，甚至唔辣都得，照顾嗜辣程度唔同嘅食客需要。
鸡煲即点即炒，上桌时香味扑鼻，令人食指大动。马上一尝，果然有料到，鸡肉非常嫩滑，汁底调校得刚刚好，入口唔会过咸，微辣惹味。配料份量亦唔手软，内有枝竹、豆卜、紫洋葱、云耳等，加上索晒酱汁嘅精华，啖啖滋味。
另外呢碟麻婆豆腐亦做得非常出色，红白绿相衬，豆腐形整不烂，食落又软又滑，入口更带阵阵花椒香，用嚟送饭真系一流！
套餐奉送丝苗白饭，转米线+$5，另外仲有两杯热饮，我哋点咗柚子茶同百香果蜜，柚子茶酸甜清爽、百香果蜜滋润养颜，味道唔错，下次有机会会再嚟试埋佢哋嘅招牌酸菜鱼。
张贴
