十大碗粥麵專家

营业中

休息中

琴日夜晚经过见到难得有位就谂住入去试, 估𠮶到会撞到一位大台前演员颜国梁, 咁我坐低咗就睇Menu, 有唔少嘢食, 我就叫咗个招牌云吞面, 如果叫得招牌都唔掂, 咁其他嘢食应该都唔使食啦🤨, 所以我就叫咗碗招牌云吞面加一杯冻柠茶少甜。咁呢个舖头特别在有提供免费用嚟开胃嘅酸萝卜, 我觉得食2-3粒就好够, 贪心嘅我食咗5粒, 开胃开个栊啦, 面口感上唔会太韧唔会太腍, 算系啱啱好, 云吞皮薄, 馅料嘅虾肉都有咬口, 一啖一个啱啱好, 但系量唔多, 所以唔系几够饱, 招牌确实招牌水准。冻柠茶红茶底系靓嘅, 红茶茶香几够比平时喺茶餐厅饮嘅好饮, 唔会有苦涩味, 我觉得几难得。