譽麵坊

营业中

休息中

以前成日食誉面坊，自从冇喺附近返工之后，都有好几年冇食过喇。呢日终于抵受唔住南乳鸡球嘅呼唤，趁住放假的起心肝过去食个lunch。食开嘅人都知，誉面坊成日都好多人等位，特别系食饭时间，今次我两点半先去，一去到就有位入。之前试过南乳鸡球米线，汤底有啲寡，同米线煮得太软身，唔系咁啱我口味，始终都系觉得南乳鸡球捞粗最好。南乳鸡球系呢到嘅招牌名物，无骨连皮鸡件炸到脆卜卜，唔会有层厚炸粉浆包住，每一口都啖啖肉，再配上香浓嘅南乳酱汁，滋味无穷，食到停唔到口。而且一碟面有大概5大旧炸鸡，都只系三十几蚊，绝对称得上抵食夹大件。外皮酥脆，但炸得未够干身，食落口略嫌多油。下次试过第二款小食。*****提提大家，餐厅空间比较狭窄，要预咗等位同撘枱，人多时要有心理准备会出现无可避免背顶背情况，但为咗食好嘢呢啲都系值得嘅。